برکت کے مزے لوٹ
آ پہلے درودوں کی تو برکت کے مزے لوٹ
پھر مدحتِ آقا کی حلاوت کے مزے لوٹ
سرکارِ دوعالم کا گدا بن کے جہاں میں
تا عمر تو اللّٰہ کی رحمت کے مزے لوٹ
لانی ہے اگر گلشنِ ہستی میں بہاریں
تو سرورِ کونین کی سیرت کے مزے لوٹ
کیا رکھا ہے دنیا کی بہاروں میں اے ناداں
" آ محفلِ آقا میں مسرت کے مزے لوٹ "
ایماں کو بچانا ہے اگر کفر سے الیاؔس
دنیا میں خدا والوں کی صحبت کے مزے لوٹ
Comments
Post a Comment