درود شریف
اے غم کے مارے! بکثرت درود پڑھتا رہ
کریں گے آقا عنایت درود پڑھتا رہ
برستی خوب ہے رحمت درود پڑھتا رہ
قبول ہوگی عبادت درود پڑھتا رہ
خدا کی ہوگی اطاعت درود پڑھتا رہ
ملائکہ کی ہے سنت درود پڑھتا رہ
ملے گی فکر کو قوت درود پڑھتا رہ
زباں کو ملتی ہے لذت درود پڑھتا رہ
نشاط پائے گی سیرت درود پڑھتا رہ
ملے گی روح کو لذت درود پڑھتا رہ
خدا کا حکم ہے "صلوا علیہ " کا قرآں میں
"سجا کے لب پہ مسرت درود پڑھتا رہ"
ہیں اس میں دونوں جہاں کی سعادتیں الیاؔس
اگر ہے پانا سعادت درود پڑھتا رہ
Comments
Post a Comment